इमान्दारिता र आत्मबोधलाई आफ्नो मौलिक सिद्धान्त मानी सन् २००२ मा हामीले यस संस्थाको स्थापना गरेका हौं । स्थापनाकाल देखि नै हामी संवेदनशिल भई यो व्यवसाय सञ्चालन गर्दै आइरहेका छौं । यसर्थ, यो व्यवसाय पूर्ण रुपमा हाम्रो व्यवसायिक गतिविधिको एउटा अभिन्न अंग बनेको छ । यस संगै प्रचलित राष्ट्रिय तथा अन्तर्राष्ट्रिय श्रम ऐन, नियम तथा मापदण्डहरूको पालना गर्दै व्यवसाय सञ्चालन गर्न हामी उत्तिकै प्रतिबद्ध छौं ।

सन् २००७ देखि आइ.एस.ओ.(ISO) मान्यता प्राप्त यो संस्था आफ्ना व्यवसायिक गतिविधिहरूमा निरन्तर सुधारको लागि कटिबद्ध भएर लागिरहेको छ । विगत दुई दशक भन्दा बढी समय देखि नै निरन्तर रुपमा हाम्रो व्यवसायिक प्रक्रिया र प्रणालिहरूको स्तरोन्नति गर्न हामी हरदम प्रयत्नशिल छौं ।

हामीले सन् २०१३ देखि वैदेशिक रोजगारमा जाने/गएका श्रमिकहरूको हक तथा अधिकारको रक्षा गर्ने हेतुले काम गरिरहेको संस्था आर.बि.ए. (RBA-Responsible Business Alliance) सँग आबद्ध भएका कम्पनीहरू सँगको सहकार्यमा काम गर्न शुरुवात गर्‍यौं । आर.बि.ए. (RBA) को नीति, नियम तथा मापदण्डहरूलाई उच्चतम स्थानमा राखेर नैतिक भर्ना प्रक्रिया पूरा गर्न हामी सदैव प्रतिबद्ध छौं । यसैबीच, हाम्रो संस्था उच्च स्तरको व्यावसायिकता प्रदान गरेर भर्ती उद्योगको लागि राम्रो मार्ग निर्माण गर्न समर्पित छ जसले मानिसहरूको धारणा परिवर्तन गर्न र समाजका सबै क्षेत्रहरूमा सकारात्मक प्रभाव पार्न सक्छ |

वैदेशिक रोजगारलाई थप प्रभावकारी र जिम्मेवार बनाउने सोचका साथ यस व्यवसाय सँग सम्बन्धित अन्य राष्ट्रिय तथा अन्तर्राष्ट्रिय संघ, संस्थाहरूसँग हामीले निरन्तर सहकार्य गरिरहेका छौं । यसका साथै आइ.एल.ओ. (ILO – International Labour Organization), आर.बि.ए. (RBA), आइ.ओ.एम. (IOM – International Organization for Migration) लगायतका संस्थाहरूले आयोजना गरेका तालिम, सेमिनार, कार्यशाला गोष्ठी लगायतका कार्यक्रमहरूमा हामीले सक्रिय सहभागिता जनाइरहेका छौं । यसबाट वैदेशिक रोजगार व्यवसायलाई थप व्यवस्थित र जिम्मेवार बनाउन हामीलाई उर्जा प्राप्त भइरहेको छ |

वास्तवमा, एउटा व्यक्ति मात्र नभई सम्पूर्ण परिवारको भावना तथा भविष्य यस व्यवसायसँग जोडिने भएको हुनाले यो एउटा सामान्य व्यवसाय मात्र नभएर मानव सेवा हो भन्ने हाम्रो बुझाई हो |

अन्त्यमा, रोजगारदाता, आवेदक तथा सम्पूर्ण सरोकारवालाहरूलाई नैतिक भर्ना प्रक्रियालाई प्रोत्साहन गर्न र स्वत:स्फूर्त रुपमा सहभागी हुन आग्रह गर्दछौं |

धन्यवाद ।