वैदेशिक रोजगारमा जाँदा कुन संस्थाबाट जाने हो त्यसको बैधानिकताको यथेष्ठ जानकारी लिनुहोस् । मध्यस्थकर्ता/बिचौलिया/दलाल (एजेन्ट) मार्फत् वा त्यस्तै व्यक्तिबाट जाने प्रयत्न नगर्नुहोस् । ठगिने र विदेशमा अलपत्र पर्ने प्रवल सम्भावना रहन्छ ।

वैदेशिक रोजगार भर्ना प्रक्रियामा सामेल हुनुपूर्व आफु जान चाहेको देश, कम्पनी, गर्नुपर्ने काम, सो वापत प्राप्त हुने तलव लगायत अन्य सम्पूर्ण सेवा सुविधाहरूमा स्पष्ट हुनुहोस् ।

करार अवधि सकिएपछि पनि स्वीकृति विना, गैरकानूनी तरीकाबाट भिषाको म्याद भन्दा बढी समय नबस्नुहोस् अन्यथा सम्बन्धित देशको कानून अनुसार कार्वाही हुन सक्छ । आफ्नो राहदानीको म्याद समाप्त हुनु अगावै समयमा नै नविकरण गर्नुहोस् ।

वैदेशिक रोजगारमा जाने व्यक्तिले अनुमतिको अवधि पश्चात नियमानुसार म्याद थप नगरी अवैधानिक रुपमा विदेशमा बस्न वा काम गर्न हुँदैन । वैदेशिक रोजगार सम्झौता अनुसारको अवधि भित्र करार भंङ्ग नभएसम्म उक्त कार्य छोडेर अन्यत्र काम गर्न जान हुँदैन ।

कमाएको पैसाको फजुल खर्च गर्नु हुंदैन, बचाएको पैसा विदेशबाट नेपालमा आफ्ना आफन्तहरूलाई पठाउन बैंक खाता वा रेमिटेन्स कम्पनीहरूको माध्यम प्रयोग गर्नहोस् । पैसा पठाउने क्रममा अनौपचारिक र गैरकानूनी माध्यमहरू पनि भेटिन्छन् । यस्ता संयन्त्रमा आफूले पठाएको पैसाको सुरक्षाको कुनै ग्यारेन्टी नभई पैसा डुब्ने सम्भावना हुनाले यस्तो माध्यम प्रयोग नगर्नु उचित हुन्छ ।

सम्वन्धित मुलुकको ऐन, नियम पालना गर्नु पर्दछ ।